Tirana hap rrethin e ri që lehtëson komunikacionin

Lehtëson trafikun e automjeteve në aksin Durrës-Tiranë-Elbasan

Kryeministri i Shqipërisë, Edi Rama në ditën kur do të konstituohej legjislatura e re e Shqipërisë dhe kur pritet të votohet qeveria Rama 2 ka publikuar në rrjetin social “Facebook” pamjet e rrethit të ri të Tiranës që është hapur sot.

Ky rreth lidh shumë më shpejt dy zona të mëdha të kryeqytetit shqiptar, transmeton albinfo.ch.

Sipas Ramës, kjo urë lidhë Njësia 5 e Kombinatit, si dhe lehtëson trafikun e automjeteve në aksin Durrës-Tiranë-Elbasan.

“Punimet e kryera me standardet më të mira evropiane përfshijnë 3 kalime këmbësorësh nga zona e Kristalit në Selitë, ashensor për PAK në mbikalim, si dhe 12 hyrje-dalje”, ka shkruar Rama.