Thurgau: Policia parandalon koncertin e ekstremistëve të djathtë

Ajo rrethoi vendin në liqenin e Konstancës dhe kontrolloi rreth 50 persona, të cilët z dëbuan nga kantoni. Ishte planifikuar një koncert

Policia kantonale e Thurgaut ndërmori veprime të premten në mbrëmje kundër një takimi që ata e përshkruan si një ngjarje të organizuar nga qarqet ekstremiste të krahut të djathtë. Me mbështetjen e autoriteteve federale, ajo rrethoi vendin në liqenin e Konstancës dhe kontrolloi rreth 50 persona. Të gjithë ata, u dëbuan nga kantoni, transmeton albinfo.ch.

Masat e policisë kishin për qëllim parandalimin e ngjarjes dhe mundësimin e sigurisë publike gjatë gjithë kohës. Kështu thuhet në një deklaratë të policisë kantonale të Thurgaut të premten në mbrëmje.

I pyetur nga mediat, Matthias Graf nga shërbimi mediatik i Policisë Kantonale të Thurgaut tha se ishte planifikuar një koncert, shkruan sda.ch  Shumica e të dëbuarve ishin të rinj nga Zvicra gjermanishtfolëse.

Në thelb, organizatorët e ngjarjes janë individë privatë. Se cilit grup i përkasin pritet të sqarohet më vonë Operacioni është ende në vazhdim, është shprehur Graf rreth orës 21 të mbrëmjes.

Policia e Thurgaut ka njoftuar gjithashtu se se do të “mbajë presionin e kontrollit të lartë në ditët në vijim”, përcjell albinfo.ch. Sipas raportit të policisë, koncerti duhej të zhvillohej në Untersee.

Policia kantonale e Thurgaut ka marrë mbështetje nga Zyra Federale e Doganave dhe Sigurisë Kufitare dhe nga kantonet fqinje.

---