“The Sun”: Xhaka dhe Shaqiri festojnë me shqiponjë ndaj Serbisë

“Granit Xhaka dhe Xherdan Shaqiri shënuan për Zvicrën kundër Serbisë, para se të festonin me shqiponjë”, shkruan “The Sun”

Jo vetëm mediat zvicerane dhe shqiptare kanë shkruar për festën e futbollistëve shqiptarë duke bërë shqiponjën.

Edhe e përditshmja angleze “The Sun” shkruan për festën me shqiponjë, përcjell albinfo.ch.

“Granit Xhaka dhe Xherdan Shaqiri shënuan për Zvicrën kundër Serbisë, para se të festonin me shqiponjë”, shkruan “The Sun”.

Zvicra ktheu rezultatin me dy golat e futbollistëve shqiptarë që nuk I harruan rrënjët e tyre.

“The Sun” tregon për historinë e Xhakës dhe Shaqirit, që kanë emigruar në Zvicër dhe historinë e Kosovës, që u Pavarësua nga Serbia më 2008, derisa më 1999 u zhvillua lufta mes shqiptarëve dhe serbëve.

Shaqiri ka lindur në Kosovë për të emigruar me familjen e tij në Zvicër, derisa Graniti ka lindur në Zvicër, kurse vëllai i tij Taulanti luan për Shqipërinë.