“The Guardian”: Kosovare Asllani, ndër lojtaret më të mira në Kupën e Botës

Futbollistja shqiptare kishte fituar medaljen e bronztë me Suedinë në Kampionatin Botëror

Kosovare Asllani pa dyshim është futbollistja më e mirë shqiptare për momentin. Ajo përfaqëson me sukses Suedinë në garat ndërkombëtare, madje, duke qenë njëra ndër futbollistet kryesore të suedezeve.

“The Guardian” e ka cilësuar atë si njërën nga futbollistet më të mira të Botërorit, përcjell albinfo.ch.

“Lojtarja e turneut? Kosovare Asllani. Suedezja unike me numrin nëntë në fanellë është parë duke vrapuar me zemërim dhe duke e drejtuar sulmin e Suedisë në këtë garë”, shkruan “The Guardian”.

Asllani kishte shënuar një gol të bukur ndaj ndaj Anglisë, në ndeshjen për vendin e tretë dhe këtë gol ia kushtoi Florijana Ismailit, që kishte humbur jetën tragjikisht në Liqenin Como.

 

---