Thaçi: Marrëveshja për emrin krijon klimë të mirë rajonale

Presidenti i Kosovës, Hashim Thaçi, ka pritur zëvendëskryeministrin e Maqedonisë, Bujar Osmanin me të cilin kanë diskutuar për marrëveshjen midis Greqisë dhe Maqedonisë lidhur me emrin e ri të shtetit fqinj.

Për këtë presidenti Thaçi ka thënë se çdo lajm i mirë nga Maqedonia është lajm i  mirë edhe për Kosovën.

“Kjo marrëveshje krijon klimë të mirë rajonale dhe hap perspektivë euroatlantike për shtetet e Ballkanit”, u shpreh presidenti Thaçi, përcjell albinfo.ch.

Presidenti Thaçi dhe zëvendëskryeministri Osmani kanë biseduar edhe për zhvillimet aktuale në Maqedoni, ku forcat politike shqiptare po luajnë rol pozitiv rreth avancimit të të drejtave politike dhe sociale.