167 km/orë në vend të 50 km/orë – 5 vjet burg dhe dëbim për kosovarin

Me një makinë sportive me 612 kuaj fuqi, a tëbotë 21-vjeçari  u përplas me makinën e një 43-vjeçareje, e cila vdiq 40 orë pas përplasjes

Gjykata Administrative e Düsseldorf-it ka mbështetur dëbimin e të ashtuquajturit “raser i Moers-it”. Kosovari 28-vjeçar nga Duisburgu duhet të dëbohet në Kosovë pasi të vuajë dënimin e tij me pesë vjet burg, transmeton albinfo.ch. Gjykata e hodhi poshtë ankesën e tij kundër urdhrit të dëbimit të lëshuar nga qyteti i Duisburgut.

28 vjeçari ishte dënuar në vitin 2023 për një garë të paligjshme rrugore fatale. Të dielën e Pashkëve 2019, ai kishte kaluar me shpejtësi nëpër Moers me një makinë sportive me 612 kuaj fuqi – me 167 km/orë në një zonë 50 km/orë. Atëbotë 21-vjeçari  u përplas me makinën e një 43-vjeçareje, nënë e dy fëmijëve. Gruaja vdiq 40 orë pas përplasjes.

Gjykata sheh “interes veçanërisht bindës për dëbim”

Gjyqtari Dennis Weishaupt e justifikoi vendimin duke përmendur një “interes veçanërisht bindës për dëbim” për shkak të dënimit. Për ta përkeqësuar edhe më shumë situatën, kosovari nuk kishte patentë shoferi në kohën e aksidentit dhe iku nga vendi i ngjarjes pa e ndihmuar gruan e plagosur rëndë.

Kosovarit të dënur  iu diagnostikua tipare personaliteti narcisiste dhe antisociale, përcjell albinfo.ch. Këta faktorë luajtën një rol në vlerësimin e gjykatës.

Edhe më tutje mund të paraqitet ankesë kundër vendimit. Gjykata e Lartë Administrative për Landin e Rhine-Westfalisë Veriore do të vendosë më pas për ankesën.

---