Më 9 nëntor, një burrë 29-vjeçar shqiptar u përpoq të fluturonte për në Dublin nëpërmjet Frankfurtit për të punuar. Megjithatë, zyrtarët e policisë federale e ndaluan atë në pikën e kontrollit të daljes në Aeroportin e Frankfurtit dhe e penguan të vazhdonte udhëtimin e tij, transmeton albinfo.ch.
Gjatë kontrollit, ai paraqiti para policëve një pasaportë polake. Ata vunë re parregullsi në dokument, duke ngritur dyshime për vërtetësinë e tij, shkruan news.de Këto dyshime u konfirmuan pas shqyrtimit të mëtejshëm nga specialistët e policisë federale, pasi dokumenti ishte me të vërtetë i falsifikuar.
Gjatë një kontrolli të 29-vjeçarit, hetuesit gjetën gjithashtu një kartë identiteti polake të falsifikuar dhe një patentë shoferi polake të falsifikuar. I përmenduri i kishte parë dokumentet në TikTok dhe i kishte blerë ato atje. Ai kishte ndërmend t’i përdorte ato për të punuar ilegalisht në Irlandë.
Policia federale tani po heton atë nën dyshimin për falsifikim dokumentesh. 29-vjeçari fluturoi përsëri në Tiranë më vonë po atë ditë.
