Lajme
Tenori nga Kosova, në skenën gjermane me veprën e Mozartit
Prishtinë, 5 dhjetor – Këtë fundjavë tenori i ri nga Kosova, Granit Musliu, do të kalojë edhe një sfidë tjetër artistike. Ai do të jetë solist në “Meshën në C mol” të kompozitorit Wolfgang Amadeus Mozart në koncertin që do të mbahet të dielën në kishën “St. Philippus Kirchengemeinde” në Hannover të Gjermanisë.
Musliu, i cili ka ditë që ka filluar përgatitjet për këtë koncert, ka thënë se kjo performancë ka ardhur si rezultat i rekomandimeve që janë bërë nga profesorët. Musliu në nëntor të këtij viti kishte filluar një hap tjetër të rëndësishëm në karrierën e tij si tenor, shkruan koha.net.
Ai është bërë pjesë e studentëve të Universitetit Shtetëror të Muzikës në Hamburg. Aftësitë e tij në këndim kanë shtyrë profesorët që ta vënë Musliun në kontakt me dirigjentin Jan Behnken, i cili e ka ftuar që të këndojë si solist në koncertin e 8 dhjetorit.
Në koncertin e titulluar “Musik die gut tut”, Musliu do të këndojë përkrah dy sopranove gjermane, Cornelia Samuelis dhe Mine Yücel si dhe Mathis Koch (bas). Mbrëmja do të dirigjohet nga Jan Behnken dhe solistët do të shoqërohen nga “Orchester Opus 7”. Në këtë koncert, përveç “Meshës në C mol” të kompozitorit Wolfgang Amadeus Mozart, në të cilën do të paraqitet Musliu si solist, do të interpretohet edhe “Koncerti për klarinetë” i po të njëjtit kompozitor. Këtë paraqitje si solist, tenori i ri e ka konsideruar shumë të rëndësishme, shkruan koha.net, përcjell albinfo.ch.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?