Temperatura pranverore sot në Ticino, deri në 22 gradë celsius

22 gradë në Biasca, 20 gradë në Lokarno. Por "vetëm" 13 gradë në Lugano

22 gradë në Biasca, 20 gradë në Lokarno: Kantoni jugor i Zvicrës, Ticino, aktualisht po përjeton ditë të ngrohta për shkak të erës që po fryn nga veriu, transmeton albinfo.ch. Por moti është gjithashtu veçanërisht i butë edhe në zonat tjera të Zvicrës.

SRF Meteo e njoftoi këtë në shërbimin e mesazheve të shkurtra X, shkruan meteo.ch

Në vendet  ku nuk frynte era, temperaturat ishin dukshëm më të ulëta. Kështu, në Lugano, për shembull, që bën pjesë po ashtu në Ticino, janë matur sot vetëm 13 gradë celsius.

Megjithatë, nëse doni të udhëtoni në Ticino në mënyrë spontane, keni nevojë për durim. Përballë tunelit të Gotthard-it, kolonat e automjeteve aktualisht, për shkak të fillimit të pushimeve dimërore dhe të Krishtllindjes, janë deri në 9 kilometra të gjata, përcjell albinfo.ch. Kjo do të thotë një humbje kohe prej rreth një orë e 30 minuta.

---