Të paktën 12 të vdekur për shkak të sulmeve izraelite në Liban

Keystone EPA/ABEDIN TAHERKENAREH

Të paktën 12 persona kanë humbur jetën dhe të paktën 24 u plagosën, në mesin e të cilëve tre fëmijë nga sulmet izraelite në Luginën Bekaa të Libanit, njoftoi Ministria e Shëndetësisë libaneze.

Dy persona të tjerë u vranë nga një sulm izraelit më herët në një kamp refugjatësh palestinezë në qytetin e Sidonit, raportoi AP, transmeton albinfo.ch.

Sipas raportimeve, zyrtarët izraelitë thanë se kishin goditur “qendrat e komandës” të grupit militant libanez Hezbollah në Luginën Bekaa teksa ushtria izraelite tha se goditi një “qendër komande të Hamasit” në kampin Ein el-Hilweh.

Ndryshe, sulmet vijnë në një moment tensionesh të intensifikuara në rajon, pasi Shtetet e Bashkuara të Amerikës kanë kërcënuar të godasin Iranin, nëse negociatat mbi programin bërthamor të Teheranit dështojnë të prodhojnë një marrëveshje.