Të hënën, Elbenita Kajtazi debuton në Operën e Vjenës

Sopranoja shqiptare, Elbenita Kajtazi, ka njoftuar se të hënën do të debutojë në Operën e Vjenës.

Me këtë rast, ajo bëhet shqiptarja e parë nga Kosova që performon në këtë operë.

“Debutimit tim në shtëpinë operistike të Vjenës po i vjen koha. E hëna, data 28.10.2024 do të mbetët një ndër ditën më të rëndësishme të rrugëtimit tim. Operën e Vjenës e ëndërron çdo artist lirik, dhe natyrisht që është një arritje, e cila vulos punën shumëvjeçare që i kam kushtuar profesionit tim. Uroj që ngjitja ime në këtë skenë si shqiptarja e parë nga Kosova t’u hapë rrugë edhe shumë artistëve të tjerë që punojnë me shumë përkushtim në realizimin e ëndërrave të tyre”, ka shkruar ajo, transmeton albinfo.at.