Të gjithë fajtorë për humbjen e Shqipërisë

Kombëtarja kuqezi pësoi një humbje turpëruese nga Luksemburgu. Mërgim Mavraj ka thënë se të gjithë janë fajtorë

Shqipëria ka pësuar humbjen e pestë radhazi, duke thyer një rekord negativ. Humbja e fundit ishte nga Luksemburgu me rezultat 2:1, një humbje turpëruese për kuqezinjtë, shkruan albinfo.ch.

Kapiten në këtë ndeshje ishte Mërgim Mavraj. Ai ka thënë se të gjithë janë fajtorë.

“Nëse nuk japim maksimumin në çdo përballje, atëherë rrezikojmë gjithmonë të humbim. Ky është problemi i skuadrave të vogla”, ka theksuar Mavraj.

Ai është arsyetuar se lojtarët nuk kanë dhënë maksimumin ndaj Luksemburgut, duke i ruajtur forcat për përballjen me Izraelin, që luhet të dielën.

Mavraj u shpreh se ndaj Izraelit do të jetë një kombëtare krejtësisht tjetër, por kjo mbetet për t’u parë.