Tarashaj, përfundimisht pjesë e Evropianit!

Me largimin definitiv të tre lojtarëve, futbollisti shqiptarozviceran Shani Tarashaj përfundimisht siguron shkuarjen në Francë gjegjësisht pjesëmarrjen në Kampionatin Evropian 2016

Siç shkruan blick.ch, në një konferencë shtypi që do të mbajë në orën 18.00 përzgjedhësi i Nati-t të Zvicrës, Vladimir Petkovic do të shpallë listën përfundimtare të 23 lojtarëve që do të shkojnë në Francë, në Evropianin 2016.

Dhe, sipas asaj që ka marrë vesh ky portal, tre futbollistë do të nxirren nga kuadri prej 26 lojtarësh që ishte në variantin e parë.  Ata janë: Senderos, Widmer dhe Zuffi, transmeton albinfo.ch. Këta do të hiqen për shkak të performancës së dobët në ndeshjen testuese me Belgjikën të shtunën.

Me largimin definitiv të këtyre tre lojtarëve, futbollisti shqiptarozviceran Shani Tarashaj përfundimisht siguron shkuarjen në Francë gjegjësisht pjesëmarrjen në Kampionatin Evropian 2016. Krahas tij përfitojnë edhe Fabian Frei dhe Denis Zakaria.