Sylvinhos i dorëzohet pasaporta shqiptare

Trajneri i Kombëtares shqiptare të futbolllit, Sylvinho Mendez, ka pranuar sot pasaportën shqiptare, e cila iu dorëzua nga presidenti i Shqipërisë, Bajram Begaj.

Dorëzimi i pasaportës iu bë në mbrëmjen gala “Më të mirët 2023”.

“Është kënaqësi të marr pjesë në këtë mbrëmje gala, të vlerësojmë FSHF që na bëri krenarë me pjesëmarrjen në Euro 2024. Sot po i japim trajnerit të Kombëtares një kontratë legale të legalizuar nga FSHF. Unë po e legalizoj si shqiptar, besoj se kam edhe mbështetjen tuaj”, tha Begaj.

Ndërsa kryeministri shqiptar, Edi Rama, foli edhe për sukseset e paraardhësve të Sylvinhos.

“Ndjej nevojën për të falënderuar me gjithë zemër të gjithë ata që e mundësuan këtë sukses të jashtëzakonshëm për Shqipërinë, përgëzimin dua ta filloj nga pak më larg, nga Gianni De Biassi, i cili është njeriu që na tregoi se kjo nuk është një ëndërr e pamundur. Dua ta vazhdoj me Edi Rejan. Të ndaloj një sekondë këtu, me Sylvinho: E njeh Presidentin e Shqipërisë? Presidentin tonë, jo të Brazilit, duhet të vish, sepse do të ta prezantoj. Atëherë, siç premtuam, sot duam të gjithë së bashku të të japim shtetësinë shqiptare”, tha Rama.