Swiss Solidarity mbledh mbi 82 milionë franga për viktimat e luftës në Ukrainë

(KEYSTONE/Gaetan Bally)

Shoqata humanitare bamirëse Swiss Solidarity ka mbledhur mbi 82.6 milionë CHF si pjesë e një përpjekjeje për mbledhjen e fondeve publike për viktimat e luftës në Ukrainë.

Publiku zviceran dhuroi mbi 51.5 milionë CHF të mërkurën dhe mbi 30 milionë CHF të martën, raportoi bamirësia në orën 23:00 të mërkurën pas një “ditë kombëtare të solidaritetit për Ukrainën”.

“Duhet të kthehemi te cunami i vitit 2004 në Tajlandë për të parë një nivel kaq të lartë solidariteti”, tha Sylvie Kipfer, shefe e komunikimit në Swiss Solidarity, për agjencinë e lajmeve Keystone-SDA, përcjell albinfo.ch.

Swiss Solidarity nisi fushatën e mbledhjes së fondeve për të ndihmuar krizën humanitare në Ukrainë. Në fazën fillestare, paratë do të përdoren për të ndihmuar refugjatët në vendet përreth Ukrainës, veçanërisht Poloninë, e cila ka mirëpritur mbi 1.4 milionë refugjatë ukrainas që nga fillimi i luftës.

Swiss Solidarity punon me organizata të ndryshme bamirësie dhe ndihmash, duke përfshirë Caritas, HEKS/EPER, Kryqin e Kuq Zviceran, Helvetas, Medair, Médecins Sans Frontières dhe fondacionin Terre des hommes, përcjell tutje albinfo.ch.