Lajme
Swatch ironizon Donald Trump me orën “39%”
Një reagim kreativ ndaj tarifave të SHBA

Kompania zvicerane e orëve Swatch ka zgjedhur një mënyrë të pazakontë për t’iu përgjigjur tarifave të larta të vendosura nga administrata e Donald Trump ndaj produkteve zvicerane. Përmes një modeli të ri ore të quajtur “39%”, Swatch ka vendosur të bëjë një deklaratë të qartë, por me stilin ironik që e karakterizon, përcjell albinfo.ch.
Ora e re është një botim i kufizuar, dhe dizajni i saj është plot me detaje që i referohen drejtpërdrejt masës së kontestuar doganore. Në ekranin e orës, numrat 3 dhe 9 janë vendosur të kthyer mbrapsht, duke bërë që “39” të jetë lehtësisht i dallueshëm për çdo përdorues. Gjithashtu, në pjesën e pasme të orës, mbi kapakun e baterisë është gdhendur një shenjë e vogël “%”, duke kompletuar simbolikën e produktit.
Swatch e ka vendosur çmimin e kësaj ore në 139 franga zvicerane, edhe ky një detaj me ngarkesë simbolike që lidhet me temën e tarifave.
Sipas një zëdhënësi të Grupit Swatch, kjo iniciativë ka për qëllim të përçojë një mesazh kritik ndaj vendimit të Shteteve të Bashkuara, por edhe të mbajë një ton shpresëdhënës:
“Shpresojmë që kjo masë [tarifat e larta] të jetë jetëshkurtër,” – u shpreh ai.
“Ne do të ndalojmë shitjen e kësaj ore sapo Shtetet e Bashkuara të ndryshojnë tarifat e tyre doganore kundër Zvicrës.”
Ora “39%” është e disponueshme vetëm në 11 butiqe në Zvicër si dhe në internet, duke e bërë atë jo vetëm një deklaratë politike, por edhe një objekt të lakmuar koleksionistësh.
E-Diaspora
-
Shtyhet Samiti i katërt i Diasporës Samiti zhvillohet nën kujdesin e Kryeministrit të Shqipërisë, Edi Rama...
-
Berlin
Arkitektja Dua Ramaxhiku diplomon në Berlin me temën “Kalaja e Mitrovicës”
-
Kreshnik Dreshaj nga Peja diplomon në Amerikë
-
Britani
Çifti Bujupi fiton 600 mijë euro në lotarinë britanike: Do ta ndihmoj nënën në Kosovë
-
Orkestra Simfonike e TKOBAP-së mahnit në Festivalin “Respighi Bologna 2025”
Jeta në Austri
-
Kërkesat për azil në Austri bien me 32% në vitin 2025 Austria regjistroi 13,032 kërkesa për azil në vitin 2025, një rënie prej 32% krahasuar me të...
-
Vjenë: 200 ankesa të paraqitura kundër supermarketeve për zbritje mashtruese
-
Mashtrues në Vjenë: Paraqiten si punonjës uji për të vjedhur apartamente
-
Tronditëse: Foshnje e porsalindur gjendet e vdekur në çatinë e një garazhi në Graz
-
Rregulla të reja për punonjësit e pavarur në Austri nga viti 2026