SVP, iniciativë kundër Komisionit për raste të rënda të azilit

Sipas kryetarit të SVP-së për qytetin e Cyrihut, Roger Liebi, komisioni për rastet e rënda është duke përmbysur rregullat në ligjin mbi azilin

SVP e kantonit të Cyrihut ka dorëzuar të martën iniciativën popullore “Jo komisionit për raste të rënda për azilkërkuesit me strehim të refuzuar dhe personat me qëndrim të parregullt”. Janë mbledhur mbi 7250 nënshkrime për këtë iniciativë të nivelit të kantonit të Cyrihut.

“Komisioni për raste të rënda”, në kantonin e Cyrihut ka filluar të punojë vetëm nga vii 2009 dhe pre atëherë ai shihet me mosbesim nga partia populiste SVP. Vitin e kaluar në Parlamentin e Kantonit kishte dështuar me një rezultat të ngushtë 86 me 85 miratimi i mocionit për ta hequr qafe këtë komision, shkruan nzz.ch.

Pastaj, në janarin e këtij viti partia në fjalë ka nisur iniciativën e përmendur popullore

Sipas kryetarit të SVP-së për qytetin e Cyrihut, Roger Liebi, komisioni për rastet e rënda është duke përmbysur rregullat në ligjin mbi azilin.

Ndërsa deputeti nacional i SVP-së nga kantoni i Cyrihut Hans Fehr është shprehur në “Blick am Abend” kundër “mundësive të pakufi” që sipas tij u jepen azilkërkuesve për tu ankuar. Ai ka thënë se në kohën kur krimet e kryera nga azilkërkuesit po shënojnë rritje enorme, një veprim i tillë është i paarsyeshëm.