St. Gallen voton vitin e ardhshëm në mënyrë elektronike

Kantoni i St. Gallen-it në vitin 2017 do të aplikojë e-votimin (votimi elektronik) për zviceranët jashtë vendit dhe për votuesit në pesë komuna të përzgjedhura, duke përfshirë Rapperswil-Jona.

Kantoni i St. Gallen-it ka votuar këtë hap me kantonin e Aargaut. Dokumentet e tenderit janë përgatitur së bashku. Komunat pilot të St.Gallen-it të përfshira janë Goldach, Widnau, Vilters-Wangs, Rapperswil-Jona dhe Kirchberg. Dokumentet e tenderit përcaktojë në detaje sistemin e-votimit për kantonin e St. Gallen-it dhe komunat St. Gallen.

Që nga viti 2009 ka pasur një koncensus në nëntë kantone, Kantonin Graubunden, Cyrih, Glarus, Freiburg, Solothurn, St. Gallen Schaffhausen, Aargau dhe Thurgau.

Vitin e kaluar Këshilli Federal ka refuzuar kërkesën e kantoneve për të lejuar që zgjedhjet federale parlamentare të 18 tetorit të mundësohen me votim elektronik jashtë vendit. Në të kundërtën, kërkesat e kantoneve të Gjenevës, Lucernit, Bayelit dhe Bernës, si dhe sistemi i kantonit të Neuchâtel-it janë miratuar në bashkëpunim me Postën. Në një nga këto dy projekte pritet të përfshihet edhe kantoni Graubünden.