“Squid Game”, kryeson listën e shikueshmërisë në 80 vende

wiki ph

“Squid Game”, një triler me tematikë mbijetesën, është aktualisht shfaqja televizive më e shikuar në gati 80 vende, duke e bërë atë serinë e parë origjinale koreane që po kryeson listat.

Deri këtë muaj, seria më e shikuar joanglez i Netflix ishte “La Casa De Papel”, një dramë kriminale spanjolle.

Megjithatë, tani në çdo rrjet social po flitet rreth trilerit të ri korean që është bërë një hit që nga koha kur u publikua në Netflix dy javë më parë (më 17 shtator).

Në “Squid Game”, një grup me 456 persona luajnë një lojë, e cila u kushton jetën nëse humbin, por në të njëjtën kohë kanë mundësinë të largohen me rreth 39 milionë dollarë nëse fitojnë një seri prej gjashtë lojërave.

Pjesëmarrësit e dëshpëruar, të gjithë përballen me vështirësi serioze financiare, mashtrohen për të marrë pjesë në një seri lojërash për fëmijë, të manipuluara.

Seria është ide e skenaristit koreano-jugor, Hwang Dong-hyuk, i cili shkroi dhe drejtoi të nëntë episodet.

“Njerëzit janë të dhënë pas ironisë se rrezikojnë jetën e tyre për të fituar një lojë fëmijësh. Lojërat janë të thjeshta, kështu që ata të cilët e shohin, mund të fokusohen më shumë në karakteret se sa në atë se sa komplekse janë rregullat e lojës”, tha regjisori i “Squid Game” në një intervistë.

Një nga avantazhet e mëdha që ka Squid Game mbi seritë e tjera në gjuhë të huaj është se është publikuar në gjithë botën, me një version të dubluar anglisht.

Seria koreane, e përqendruar në një lojë brutale të mbijetesës, është në rrugën e saj për të mposhtur romancën “Bridgerton” për t’u bërë seria më e madhe origjinale e platformës transmetuese e të gjitha kohëve./Euronews