Kosova

Sqarim për prindërit që nuk mund të aplikojnë për paratë e librave

Po trajtohen rastet e fëmijëve që kanë vijuar shkollimin para moshës 6-vjeçare

E shtunë, 26 Gusht 2023 - 19:20 albinfo.ch

Zëvendësministri i Arsimit, Shkencës dhe Teknologjisë në Kosovë, Taulant Kelmendi, ka dalë me sqarim  për prindërit, të cilët nuk po mund të aplikojnë për subvencionimin e blerjes së librave për fëmijët e tyre që janë nën 6 vjet.

Ai ka njoftuar se rastet e veçanta kur një fëmijë është regjistruar më herët se mosha 6-vjeçare në klasën e parë po trajtohen duke e dërguar numrin personal të fëmijës, emrin e shkollës dhe komunën në emailin [email protected], shkruan albinfo.ch.

Kelmendi përmes një postimi në rrjetin social Facebook ka treguar se në platformën e Kosova për subvencionimin e teksteve dhe materialeve shkollore deri në orën 16:00 janë pranuar 32 mijë e 800 aplikime.

“Sistemi është duke funksionuar mirë dhe me mbështetjen e MPB-së dhe ASHI-së ekipet do të ofrojnë shërbim për mbështetje teknike edhe ditëve të fundjavës prej orës 9 deri në 16, në numrin 0800 30 900. Shtëpitë botuese tashmë i kanë publikuar çmimet e kopertinës së librave dhe ato nuk mund të rriten. Po ashtu kanë publikuar pikat e shitjes për të gjitha komunat”, ka shkruar ai.

 Të tjera nga Kosova

Autoritetet e Kosovës do të nderojnë manifestimin “Kurora e Lirisë” në Bernë

 E-Diaspora

 Jeta në Austri