SP/PS në St.Gallen themelon “Grupin e Migrantëve”

Partia Socialdemokrate e Zvicrës, dega e Kantonit St. Gallen, mban më 22 gusht mbledhjen themeluese të grupit të migrantëve në kuadër të saj

Me këtë rast, SP/PS  St. Gallen në një komunikatë të saj të dërguar nga nënkryetari, Arbër Bullakaj, thotë se me themelimin e këtij grupi “duam të tregojmë se një pjesë e mirë e popullatës nuk pajtohet me politikën e “fajtorit kujdestar” që udhëhiqet nga partitë e djathta në dëm të pakicave.

Ne duam të tregojmë se Zvicra gjithmonë ka përfituar nga migrantët ndërkohë që ky përfitim del tepër rrallë në sipërfaqe.

Me grupin e ri ne dëshirojmë të nisim një lëvizje progresive, e cila e njeh dhe e vlerëson kontributin e migrantëve. Sepse ne të gjithë kemi kontribuar për mirëqenien e Zvicrës.

Kuvendi themelues do të miratojë edhe një rezolutë mbi të drejtat qytetare”, thuhet në fund të komunikatës.Mbledhja mbahet më 22 gusht nga ora 16 deri në orën 19 në restorant Dufour, Bahnhofstrasse 19, St. Gallen