Speca të mbushur me mish

Kjo është një recetë e shëndetshme, që mund të përgatitet lehtësisht nga kushdo.

Përbërësit:

•       200 gr mish i grirë
•       150 gr domate
•       70 gr qepë
•       300 gr spec
•       250 gr oriz
•       370 gr patëllxhan
•       50 gr kungulleshkë
•        vaj ulliri
•       kripë
•       piper

Përgatitja:

Për përgatitjen e kësaj pjate, si fillim vendosni një tenxhere në zjarr, duke i hedhur vaj ulliri.
Ndërkohë lani dhe pastroni perimet dhe i prisni ato në rende.
Pasi vaji është nxehur, hidhni qepën, mishin e grirë, patëllxhanin, kungulleshkat dhe i lini të skuqen për pak minuta.
Më pas shtoni orizin, domatet. I hidhni ujë dhe i lini që të ziejnë për 10-15 min.
Ndërkohë pastroni specat, duke u hequr bishtin dhe pjesën e farave nga brenda. I vendosni në një tavë dhe i fusni në furrë, në temperaturën 200 gradë, derisa ato të marrin ngjyrë.
Pasi perimet, orizi dhe mishi janë zier dhe specat i keni nxjerrë nga furra, filloni procesin e mbushjes.
Me ndihmën e një luge, i mbushni mirë specat dhe i vendosni me radhë në tepsi. Pjesën që mbetet, hidheni nëpër hapësirat bosh të specave.
Pasi keni mbushur specat, futini përsëri në furrë në temperaturën 250 gradë për 15 minuta.
Specat e mbushur janë gati për t’u servuar.

Ju bëftë mirë