Sot në Zvicër priten temperatura deri në 38 gradë

Autoritetet në nivel federal kanë vendosur paralajmërimet për vapë të shkallës 4 (“Rrezik i madh”) për regjionin e Bazelit si dhe për pjesë të Kantonit Valis dhe Ticino

Vapa që ka përfshirë Zvicrën ditëve të fundit, sot pritet të arrijë një kulm të ri. Vala e ngrohtë “Ulla” mund të rrisë temperaturat e ajrit sidomos në veri dhe në jug të vendit.

Kështu, shërbimi meteorologjik SRF Meteo parashikon që në pasditen e sotme në Bazel (veriu i vendit) dhe Sitten (jugu), temperaturat të ngjiten deri në 38 gradë.

Autoritetet kompetente në nivel federal kanë vendosur paralajmërimet për vapë të shkallës 4 (“Rrezik i madh”) për regjionin e Bazelit si dhe për pjesë të Kantonit Valis dhe Ticino, tranmseton albinfo.ch

Edhe një ditë më parë, të martën, në disa vende në Valis janë regjistruar temperatura mbi 35 gradë celsius.

Kjo valë e vapës pritet të vazhdojë së paku deri të dielën. Vetëm nga fillimi i javës së ardhshme në horizont shihet një freskim i lehtë i motit.

---