Sot luajnë Kosova dhe Shqipëria

Kosova do të jetë mysafire e Azerbajxhanit, derisa Shqipëria e pret Izraelin

Sot (e premte) është një ditë e rëndësishme për adhuruesit futboll shqiptar, pasi do të luajnë Shqipëria dhe Kosova, shkruan albinfo.ch.

Kombëtarja shqiptare nga ora 20:45 e pret në Elbasan, Izraelin, në kuadër të Ligës së Kombeve, Grupit C. Kuqezinjtë ishin përballur me izraelitët edhe në kualifikimet e kaluara ku kishin një fitore dhe një humbje.

Në Shkodër pësuan 3:0, derisa si mysafir fituan 0:3. Për këtë ndeshje ka folur edhe përzgjedhësi i Shqipërisë, Christian Panucci. “Në dy ndeshjet e fundit kemi testuar lojtarë të rinj. Me rikthimin e titullarëve, do të kemi një komportim më të mirë në fushë”. Ai foli edhe për kundërshtarët. “I njoh sepse i kam studiuar. Zahev është një lojtarë i mirë. Është futbollisti i mesfushës me shumë eksperiencë, Naço. Edhe prapa kanë futbollistë të fortë. Kam punuar shumë dhe i njoh të gjithë. Ne shpresojmë në rezultat pozitiv”, theksoi trajneri italian.

Ndërkohë, përzgjedhësi i Kosovës, Bernard Challandes, beson në ekipin e tij. “Përballemi me skuadrën më të fortë në grup, por nëse kundërshtarët tanë kanë ambicie për t’u kualifikuar, pse të mos kemi edhe ne. Jemi skuadër e re, por me lojtarë të mirë. Përmes lojës sonë do të përpiqemi të marrim rezultat pozitiv. Kosova është një vend i veçantë, ka shumë lojtarë cilësorë. Në ndeshjet e fundit e kemi përmirësuar shumë lojën tonë. Kam besim se do të marrim rezultat të mirë”, është shprehur trajneri zviceran. Azerbajxhani dhe Kosova do të luajnë nga ora 18:00.

---