Sommaruga bën thirrje për veprime konkrete në çështjen e refugjatëve

Presidentja e Zvicrës, Simonetta Sommaruga, foli të hënën me kryeministrin italian, Matteo Renzi, në Romë, lidhur me çështjen e refugjatëve. Sommaruga ka kërkuar nga autoritetet garanci të qarta se të gjithë azilkërkuesit në Itali të jenë regjistruar.

“Të gjitha shtetet që janë përfshirë në sistemin e Dublinit duhet të përmbushin detyrimet e tyre”, tha Sommaruga në një konferencë shtypi pas takimit me Renzin.

“Për kredibilitetin e politikës ndaj refugjatëve duhet të regjistrohen të gjithë azilkërkuesit”, shtoi ajo.

Jo të gjithë refugjatët e ardhur në Itali janë regjistruar.

“Është e rëndësishme për të formuluar solidaritetin evropian, jo vetëm me fjalë, por në vepra”, tha ajo.

Për misionin e BE-së “Frontex” Zvicra është e gatshme të sigurojë më shumë burime dhe personel, sa të jetë e nevojshme.

“Zvicra tashmë është bërë pjesë e “Frontex”. Megjithatë, është e vërtetë se Frontex ka më shumë burime për shpëtimin e refugjatëve, siç dëshiron Komisioni i BE-së”, ka thënë Sommaruga.

Në bisedë me Renzin presidentja zvicerane ka konfirmuar se vendi i saj ishte i gatshëm të pranojë 3.000 sirianë.

“Ky është një sinjal i rëndësishëm, me të cilin do të bëjmë të qartë se Zvicra do të punojë në kuadër të sistemit të Dublinit”, thotë Sommaruga.

Presidentja zvicerane ka diskutuar me Renzin edhe për nismën për parandalimin e migracionit masiv.

Sommaruga kujton se rreth 70 mijë punëtorë italianë përgjatë kufirit punojnë në Zvicër.