Sllovenia mposht koronavirusin (VIDEO)

Sllovenia u bë vendi i parë në Evropë që e mori vendim të shpallë zyrtarisht fundin e epidemisë së koronavirusit.

Ky vendim u mor pasi që autoritetet regjistruan më pak se shtatë raste të reja në ditë, në dy javët e fundit.

Njerëzit të cilët arrijnë në Slloveni nga vendet e tjera të BE-së nuk do të duhet më të zbatojnë një karantinë të detyrueshme për të paktën shtatë ditë, siç ka ndodhur që nga fillimi i prillit, thuhet në njoftimin e qeverisë sllovene.

Por, ata që hyjnë në Slloveni nga vendet që nuk janë anëtare të BE-së, me përjashtim të diplomatëve, duhet të hyjnë në karantinë në periudhë prej 14 ditësh, shkruan mediat në Lubjanë, përcjell albinfo.ch.

Ky vend me dy milionë banorë deri më tani ka regjistruar 1.464 raste të të infektuarve dhe 103 viktima.

---