Skuadra nga Kosova në grup me Manchester Cityn

Në turneun që do të zhvillohet më 10 dhe 11 shkurt, FC Sharri është në grup me Manchester Cityn e Anglisë, Atalantën e Italisë dhe Lausannen e Zvicrës

Edhe këtë vit, Kosova do të përfaqësohet në turneun ndërkombëtar, dhe njërin ndër më të mëdhenjtë në Evropë për grupmosha, “CSI TALENT CUP U11”, ku krahas klubeve të mëdha evropiane si Manchester City, Inter, Atalanta, Basel e Anderlecht, do të marrë pjesë edhe Shkolla e Futbollit Sharri nga Hani i Elezit, shkruan albinfo.ch.

Turneu do të zhvillohet në Gjenevë, derisa klubi shqiptar, FC Kosova e Gjenevës, ka bërë thirrje që të ndihmohet skuadra nga Kosova në mënyra të ndryshme.

Në turneun që do të zhvillohet më 10 dhe 11 shkurt, FC Sharri është në grup me Manchester Cityn e Anglisë, Atalantën e Italisë dhe Lausannen e Zvicrës.

PSV Eindhoven, Sevilla, Monaco, Basel, Lyon, Benfica, Sporting, janë disa nga skuadrat pjesëmarrëse.

Në njoftimin zyrtar në “Facebook” i urohet fat Sharrit, por edhe ekipeve pjesëmarrëse.