Sipas Veselit, çdo vonesë për heqjen e vizave është e paarsyeshme

Kryetari i Kuvendit të Kosovës, Kadri Veseli ka takuar sot në Bruksel disa eurodeputetë nga forca të ndryshme politike, thuhet në komunikatën për media.

Veseli ka diskutuar për përmbulljen e procesit të liberalizimit të vizave për qytetarët e Kosovës brenda këtij viti, shkruan Albinfo.ch

Në këtë takim, Veseli dhe Eurodeputetët u pajtuan se vonesat në marrjen e vendimit për heqjen e vizave për qytetarët e Kosovës brenda këtij viti janë të paarsyeshme dhe të dëmshme.

Në njoftimin për media thuhet se në takimin me eurodeputetët Eduard Kukan, Tonino Picula, Andrey Kovatchev dhe Dubravska Suica, kryeparlamentari Veseli i ka falënderuar për votimin në Parlamentin Evropian për liberalizimin e vizave për qytetarët e Kosovës.