“Sindikata e Policisë së Kosovës dënon ashpër sulmet terroriste që po i bëjnë grupet kriminale ndaj shtetit tonë”

Keystone EPA/GEORGI LICOVSKI

Sindikata e Policisë së Kosovës ka dalë me komunikatë për media në lidhje me sulmin e mëngjesit të sotëm në fshatin Banjskë të Zveçanit, ku ka mbetur i vdekur një polic dhe një tjetër është plagosur.

Përmes komunikatës, nga kjo sindikatë kanë dënuar ashpër sulmet, përcjell albinfo.ch.

“Sindikata e Policisë së Kosovës u shpreh ngushëllime familjes së ngushtë, miqve dhe të gjithë pjesëtarëve të Policisë së Kosovës, kurse policit të lënduar i urojmë shërim të shpejtë. Sindikata e Policisë së Kosovës është duke përcjellë nga afër zhvillimet e ditës së sotme dhe dënon ashpër sulmet terroriste që po i bëjnë grupet kriminale ndaj shtetit tonë. Policia e Kosovës është duke vepruar sipas autorizimeve ligjore dhe Kushtetuese në mbrojtje të integritetit të Republikës së Kosovës”, thuhet në reagim.