Si mund t’i shpëtohet shërbimit ushtarak në Zvicër

(KEYSTONE/Christian Beutler)

Parlamenti duket se do të mbyllë një vakum që u lejon qindra njerëzve t’i shpëtojnë shërbimit ushtarak.

Sipas ligjit, kushdo që ka shërbyer në një ushtri të huaj nuk mund të shërbejë në ushtrinë zvicerane, transmeton albinfo.ch.

Kjo u jep atyre që kanë si pasaportë zvicerane ashtu edhe franceze një rrugë shpëtimi. Ata vetëm duhet të bëjnë një ditë në forcat franceze, të quajtur Dita e Mbrojtjes dhe Shtetësisë, dhe pastaj nuk mund të shërbejnë në Zvicër.

Rreth 700 veta e shfrytëzojnë këtë çdo vit.

Por përjashtimi duket se do të marrë fund. Dhoma e sipërme e Parlamentit ka pranuar një mocion për ta përfunduar atë.

Tani do të shkojë në dhomën e poshtme për votim – ku pritet të miratohet.