Shumica e zviceranëve kundër pensionimit në moshën 67 vjeçare

63 për qind të zviceranëve të moshës së punës janë kundër ndërsa vetëm 23 % janë në favor të zgjatjes automatike të moshës së pensionimit

Duket se propozimi i bërë nga Komisioni përkatës i Parlamentit Nacional për zgjatjen automatike të moshës së pensionimit nga 65 në 67 vjet nuk do të pritet mirë nga popullata e Zvicrës. Kështu, siç shkruan gazeta “Schweiz am Sontag”, bazuar në një sondazh të realizuar nga 29 gusht deri më 7 shtator, 63 për qind të zviceranëve të moshës së punës janë kundër.

Vetëm 23 % të të anketuarve janë në favor të zgjatjes automatike të moshës së pensionimit. Ndërsa 14 për qind nuk kanë ndonjë mendim të caktuar rreth kësaj.

Për këtë anketë të realizuar nga instituti Marketagjent.com janë pyetur online 1122 zviceranë me të drejtë vote, të moshave 18 deri 65 vjeçare, në Zvicrën gjermane dhe atë frankofone.