Më shumë mësimdhënës se nxënës

Në shkollën e fshatit kanë mbetur vetëm 11 nxënës, derisa punojnë 13 mësimdhënës

Fshati Selac

Fshati më i largët në Komunën e Mitrovicës është Selaci, që ka 18 familje e 90 banorë, derisa ky fshat po shpërngulet me të madhe.

Në shkollën e fshatit kanë mbetur vetëm 11 nxënës. Në klasën e tretë dhe të pestë nuk ka asnjë nxënës, kurse në klasën e parë, të dytën, gjashtën dhe të nëntën janë vetëm nga një nxënës, me të cilët punojnë 13 mësimdhënës, raporton “RTV 21”.

Shukrane Hoti është arsimtare e gjuhës shqipe. Ajo po i mban mësim vetëm një nxënësi në klasën e gjashtë. Arsimtarja Hoti udhëton nga Mitrovica në Selac me shpenzimet e veta për transport, përcjell albinfo.ch.

“Është e vështirë të punohet vetëm me një nxënës. Edhe nxënësi e ka të vështirë sepse nuk ka shokë e shoqe për të garuar me ta”, është shprehur ajo.

Shkolla e fshatit mund të mbetet pa nxënës nëse nuk rregullohet rruga.