Shtohen masat e sigurisë nëpër tregjet e krishtlindjeve në Zvicër

Pas atentatit në Berlin, policia e qytetit të Cyrihut dhe policia kantonale në Basel kanë përshtatur konceptet e tyre të sigurisë në tregjet e Krishtlindjeve. Policitë komunale apo kantonale kanë vënë në dukje se masat e sigurisë tashmë janë rritur si rezultat i ngjarjeve të kaluara.

Masat, të cilat qyteti i Cyrihut do t’i marrë vijnë pas një “vlerësim të kujdesshëm të situatës”, dhe nuk do të komunikohen, tha një zëdhënësi policie.

Operatori i tregjeve të krishtlindjeve në stacionin kryesor hekurudhor të Cyrihut dhe në Lucern, thotë se ata kanë një koncept të sigurisë të përbërë nga video survejime, sistemet e alarmit, me polici të qytetit, polici hekurudhore dhe “hetues” civilë të cilët do të jenë me turmën.

Në Basel, policia kantonale tha se tashmë  janë të pranishme në tregun e krishtlindjeve. Për më tepër, qasja me anë të masave strukturore ose mjeteve do të bëhet më e vështirë. Masat e sigurisë gjithashtu do të rriten edhe gjatë festimit të Vitit të Ri.

Me këto masa, policia kantonale është duke marrë parasysh gjendjen aktuale në vendet fqinje.

Në të dy tregjet e krishtlindjeve të qytetit të Bernës, policia ka rritur praninë të martën pasdite. Policët po patrullonin përgjatë tregut.

Gian Andrea Rezzoli, zëdhënës i policisë kantonale St. Gallen, gjithashtu tregon për rregullimet si një prani më të lartë, të cilat policia i ka bërë tashmë që nga nëntori 2015, pas sulmeve në Paris.

“Pas një ngjarje të tillë, të hënën, policia e St.Gallenit është  “sensibilizuar”  dhe deri më tani, shërbimi i inteligjencës nuk ofron dëshmi se janë përgatitur sulme në Zvicër si në Berlin.”, shton ai për SDA, përcjell albinfo.ch.

Edhe policia e Luzernit ka analizuar dhe monitoruar situatën në mënyrë të vazhdueshme. Për këtë qëllim, ata gjithashtu kanë intensifikuar kontaktet me shërbimin e intelegjencëse nga qeveria federale, është thënë nga autoritetet Luzern.

Sulmet në Berlin nuk kanë ndikuar sipas SDA-së në zvog$elimin vizitorëve nëpër tregjet e krishtlindjeve.