Shtim mbi dyfish i numrit të hyrjeve ilegale në Zvicër

Rojat kufitare të Zvicrës kanë kapur vitin e kaluar numër rekord të personave që kanë tentuar të hyjnë ilegalisht në vend. 31.000 klandestinë janë zënë në kufijtë zviceranë gjatë vitit 2015, që është më shumë se dyfishi i një viti më parë, bën të ditur srf.ch.

Rritje ka pësuar edhe numri rasteve të kontrabandës me njerëz. Kufitarët kanë kapur afër 20 mijë persona të kërkuar, numër që e tejkalon për 8 për qind atë të vitit paraprak.

Gjatë vitit 2015 janë arestuar 466 persona nën dyshimin se kanë bërë trafikim me qenie njerëzore, transmeton albino.ch. Një vit më parë kishin qenë 384 të tillë.

Doganierët gjatë vitit 2015 kanë konfiskuar gjihsej 121 kilogramë drogë të tipit kokainë, sasi kjo që është për më shumë se dyfish më e madhe se sasia e kapur një vit më parë.