Shtëpitë në Bondo, së paku edhe dy muaj të pabanueshme

Rreth 60 banorët e fshatit të vogël duhet të presin së paku edhe dy muaj deri sa të mund të kthehen në shtëpitë e tyre

Keystone, foto nga arkiva

Shtëpitë e fshatit Bondo, në të cilin javën e kaluar ka pasur disa rrëshqitje shkëmbinjsh, edhe për një kohë të gjatë nuk do të jenë të banueshme. Këtë njoftim për fshatin tashmë të njohur të Graubündenit e dhanë autoritetet kantonale sot, raporton srf.ch.

Rreth 60 banorët e fshatit të vogël duhet të presin së paku edhe dy muaj deri sa të mund të kthehen në shtëpitë e tyre. Kjo për shkak të gjendjes së shtëpive pas rrëshqitjes por dhe për shkak të pozitës së këtyre shtëpive.

Çdo rrëshqitje e re eventuale e dheut ose shkëmbinjve nga kodrat e afërta do të kërcënonte ato në mënyrë të drejtpërdrejt.