Shtëpia luksoze e tenistit Roger Federer, afër liqenit të Cyrihut

Tenisti zviceran, Roger Federer, është më i pasuri sa u përket sportistëve në botë, tansmeton albinfo.ch.

Hulumtimi i fundit nga revista “Forbes”, e cila ka bërë llogaritjen e pagave, të ardhurat, sponsorët dhe bonuset e spotistëve, që nga qershori i vitit 2019 deri tani në prag të qershorit të vitit 2020, tregojnë se Roger Federer është sportisti me fitimet më të mëdha në të gjitha kategoritë e sporteve.

Tenisti Federer brenda një viti ka kapur shifrën e të ardhurave 106.3 milionë dollarë për një vit, transmeton albinfo.ch.

Duke qenë se ka një pasuri të madhe, legjenda e tenisit, Roger Federer zotëron një shtëpi luksoze me pamje të mrekullueshme nga liqeni i Zurichut, në Zvicër.

Mediat zvicërane shkruajn se shtëpia e tij është 3 katëshe dhe ka edhe dy apartamente të veçanta për mysafirët.

Sipas përllogaritjeve, thuhet se kjo shtëpi ka një vlerë prej 6.5 milionë funtesh.

Duhet theksuar se breda saj ndodhet edhe një pishinë dhe një palestër e nivelit të parë. /Albinfo.ch