Shtatzënave u preferohet të flihet në krah

Shtatzënave u preferohet të flenë në krah në tre muajt e fundit të shtatzënisë për të shmangur problemet në lindje.

Një studim në të cilin u përfshinë më shumë se 1 mijë gra konkludoi se rreziku i grave shtatzëna për probleme në lindje ishte dyfish më i lartë kur ato flinin në shpinë në tremujorin e fundit.

Studimi monitoroi 291 shtatzëni që përfunduan me lindje të dështuar dhe 735 raste të tjera që patën lindje normale, transmeton Albinfo.ch.

Sipas hulumtuesve, pozita në të cilën fle gruaja është më e rëndësishmja, dhe gratë nuk duhet të brengosen edhe nëse e gjejnë veten në shpinë kur të zgjohen.

Studimi u publikua në “British Journal of Obstetrics dhe Gynaecology”, shkruan BBC.

Këshilla si të “detyroni” gjumin në krah:

Merrni një jastëk në shpinë për të qëndruar në krah

Nëse zgjoheni gjatë natës, shikoni pozicionin tuaj dhe kthehuni sërish në krah

Kushtoni vëmendje pozitës së gjumit edhe gjatë ditës

Studimi nuk ka vënë re një dallim se në cilin krah është më e preferueshme të flihet.