Shqipëria rigjallërohet nga turizmi ‘patriotik’

Gjatë muajit shkurt, rezulton se ka pasur një rritje të konsiderueshme të hyrjeve dhe daljeve në pikata kufitare të Shqipërisë.

Sipas të dhënave të publikuara nga INSTAT, hyrjet e shtetasve shqiptarë dhe të huaj në territorin shqiptar, në muajin shkurt, janë 458.951. Krahasuar me një vit më parë, rezulton një rritje 27,3 %, përcjell Albinfo.ch.

Në shkurt 2022 numri i shtetasve të huaj që kanë hyrë në territorin shqiptar është 200.997. Krahasuar me shkurt 2021, ky numër është rritur me 27,1 %.

Në këtë shifër, siç raporton Euronews, pjesën më të madhe e zënë shqiptarët nga Kosova, Maqedonia e Veriut dhe Mali i Zi.

Nga ana tjetër, gjatë muajit shkurt vihet re se edhe numri i shqiptarëve që kanë dalë jashtë vendit është rritur në mënyrë të konsiderueshme.

293.703 shqiptarë kanë dalë nga territori i Shqipërisë gjatë muajit shkurt 2022.
Krahasuar me një vit më parë, ka rritje me 28,3 %.

---