Shqipëria publikon listën për dy ndeshjet e radhës

Trajneri i ri i Kombëtares së Shqipërisë, Edi Reja, e ka nisur zyrtarisht punën si trajner i “Kuq e zinjve”.

Ai ka publikuar listën paraprake me 10 lojtarët e grumbulluar për dy ndeshjet  e radhës kundër Islandës dhe Moldavisë në kualifikueset e “Euro 2020”.

Tekniku italian i ka befasuar të gjithë, pasi në listën e parë nga kampionati shqiptar i futbollit ka grumbulluar dy lojtarë, portierin Alban Hoxh dhe futbollistin tjetër Bruno Telushin, transmeton albinfo.ch.

Ndërsa janë lënë jashtë lojtarët e vjetër, si Kaçe, Basha apo Grezda.

Gjithashtu një ftesë kanë siguruar Enea Mihaj, Kastriot Dermaku, Emanuel Ndoj dhe Ylber Ramadani. 10 lojtarët kanë përfunduar sezonin me klubet e tyre dhe janë grumbulluar për të ruajtur gjendjen e tyre fizike si edhe për t’u vëzhguar nga afër nga stafi teknik i ekipit kombëtar.

Në stërvitje me lojtarët e grumbulluar nga trajneri Reja do të jenë dhe 12 lojtarë nga U-21, të cilët ashtu si edhe lojtarët e Kombëtares A kanë përfunduar sezonin dhe janë grumbulluar nga trajneri Bushi për ndeshjen zyrtare me Turqinë dhe dy miqësoret që do të zhvillojnë në Shqipëri me Uellsin.