Shqipëria ndalon për 10 vjet prerjen e pyjeve

Nga sot, ndalohet shfrytëzimi i lëndës drusore në fondin pyjor publiko-private në Shqipëri. Gjithashtu, ndalohet eksporti i drurit, lëndës së ndërtimit dhe i qymyrit të drurit

Që nga dita e sotme, Shqipëria ka nis aplikimin e moratoriumit 10 vjeçar për ndalimin e  shfrytëzimit të drunjve dhe lëndëve drunore për industri, si nga shteti ashtu edhe nga bizneset. Sipas këtij moratoriumi, shfrytëzimi i drunjve lejohet vetëm për ngrohje,e dhe atë nën kontrollin e shtetit.

Ministri i Mjedisit, Lefter Koka e ka quajtur këtë një vendim historik që do të ndryshojë të ardhmen e pyjeve në Republikën e Shqipërisë. Ai ka kërkuar përfshirjen e qytetarëve për zbatimin e moratoriumit.

“Prej ditës së sotme ndalohet ushtrimi i veprimtarisë së shfrytëzimit të lëndës drusore në fondin pyjor publik-privat në të vendin. Gjithashtu, ndalohet eksporti i lëndës së drurit të papërpunuar, lëndës së ndërtimit, drurëve të zjarrit si dhe i qymyrit të drurit”, thuhet në njoftimin zyrtar.

Ndryshe, deri te ky moratorium ka ardhur pas shfrytëzimit të egër të pyjeve në Shqipëri. Madje, menjëherë pas pluralizmit dhe në mungesë të kontrollit për pyjet, qytetarët e pandërgjegjshëm kanë prerë shumicën e pyjeve, madje në disa raste edhe trupat e ullinjve, që konsiderohen pasuri e rrallë e Shqipërisë.