Shqipëria mposht Maltën, 2:0

Golat i shënuan Migjen Basha dhe Alban Meha

Kombëtarja shqiptare e ka fituar bindshëm ndeshjen miqësore kundër Maltës në stadiumin e Durrësit, me rezultatin 2: 0, duke treguar një paraqitje superiore ndaj skuadrës kundërshtare.

Pas një fillimi të mirë të Maltës, Shqipëria filloi të sulmonte dhe arrin të gjejë golin me Migjen Bashën, i cili shënon me kokë gjatë goditjes së këndit e gjuajtur nga Kace. Shqipëria dominon 45 minutat e para, ku shfaq një lojë të pastër, duke fituar duelet në mesfushë. Pjesa e parë mbaron me rezultatin 1-0 për Shqipërinë.

Pjesa e dytë shfaqi dominim absolut të kuqezinjve të cilët shënojnë me një “perlë” të Alban Mehes. Mesfushori godet topin nga 40 metra, topi merr një trajektore të çuditshme dhe përfundon në rrjet. Shqipëria arrin të godasë edhe dy herë shtyllën, me Ramën dhe Sadikun.

Të pranishëm në stadium ishin mbi 8 mijë tifozë , ndër ta edhe tifo-grupet e njohura : “Plisat” dhe “Tirona Fanatics” , “Tifozat Kuq e Zi” etj.