Shqipëria, edhe pse superiore, humb në minutën e fundit

epa04919192 Portugal scores the 0-1 goal during the UEFA EURO 2016 qualifying soccer match between Albania and Portugal in Elbasan Arena in Elbasan, Albania, 07 September 2015. EPA/ARMANDO BABANI

Kombëtarja shqiptare ka pësuar humbje të dhimbshme nga Portugalia. Ndërkohë që në pjesën më të madhe të kohës së gjysmëlojës së dytë Shqipëria ishte dominuese, shënimi në minutën e 94-të (shtesë) nga Miguel Veloso i dha fund shpresës së kombëtares për barazim. Ai ka shënuar me kokë pas harkimit të Quaresmas.

Pjesa e parë e ndeshjes ka kaluar në shenjë të epërsisë së lehtë të Portugalisë ndërsa e dyta është karakterizuar nga një epërsi në rritje dhe sulme të pareshtura të shqiptarëve. Janë dalluar sidomos Cikalleshi dhe Xhaka.

Duhet thënë se bërthamën e Kombëtares Shqiptare edhe kësaj here e kanë përbërë futbollistët shqiptarë që luajnë në Kampionatin Zviceran. Në përbërjen startuese kanë qenë tetë sish.

Me këtë humbje, kombëtarja shqiptare vazhdon të ketë 11 pikë që është një më pak se Danimarka dhe katër më pak se Portugalia e cila i prin grupit

Takimin e radhës Shqipëria e zhvillon më 8 tetor ndaj Serbisë dhe nëse Danimarka pëson nga Portugalia dhe kuqezinjtë mposhtin serbët, do të sigurohet kualifikimi edhe matematikisht.