Shqipëria do të presë Samitin e NATO-s në vitin 2027

(Sean Kilpatrick/The Canadian Press via AP)

Shqipëria do të jetë nikoqire e Samitit të NATO-s në vitin 2027. Lajmin e ka bërë publik Kryeministri i Shqipërisë, Edi Rama, i cili përmes një postimi në rrjetet sociale ka ndarë edhe disa pamje nga samiti i sivjetshëm, që po zhvillohet në Hagë.

“Hagë, Samiti i NATO-s vendosi unanimisht organizimin e tij në Tiranë në vitin 2027”,  shkruan Rama, duke e cilësuar këtë vendim si një moment të rëndësishëm për vendin.

Ky është hera e parë që Shqipëria do të presë një samit të tillë, ku pritet të marrin pjesë liderët më të lartë të vendeve anëtare të Aleancës. Ngjarja shihet si një hap domethënës për rritjen e profilit ndërkombëtar të vendit dhe për forcimin e rolit të tij brenda strukturave euroatlantike.