39 të lënduar nga zjarri në qendrën tregtare në Lushnje

39 persona kanë përfunduar në spital për shkak të zjarrit që ra në një qendër tregtare në qytetin e Lushnjes.

Dyshohet që mbinxehja e kutisë elektrike brenda qendrës tregtare ka qenë shkaku i zjarrit.

Sipas burimeve të A2 CNN, mes personave të shtruar në spital, të cilët kanë probleme me frymëmarrjen, ka edhe fëmijë.

Janë evakuuar dhe dërguar në spital për ndihmë mjekësore rreth 39 qytetarë dhe 3 punonjës të zjarrfikëses, jashtë rrezikut për jetën.

Grupi i posaçëm hetimor në drejtimin e Prokurorisë vijon punën për zbardhjen e rrethanave të ngjarjes dhe përcaktimin e shkakut të rënies së zjarrit.