Shqipëri, aksidentohet një helikopter ushtarak, vdesin dy pilotë

Rrëzohet një helikopter ushtarak shqiptar mbi Liqenin e Shkodrës. Dy pilotë raportohet se kanë vdekur, ndërsa një ushtarak është shpëtuar nga banorët lokal

Një helikopter i Ushtrisë Shqiptare me tre pjesëtarë në bord është rrezuar në Liqenin e Shkodrës të mërkurën para dite, ndërsa dyshohet për dy pjesëtarë të ekuipazhit të vdekur, ndërsa njëri pilot është shpëtuar nga barkat e liqenit. Bëhet fjalë për helikopter francezë të markës Cougar, të blerë në vitin 2009.

Sipas burimeve nga Tirana, banorë të zonës kanë nxjerrë me varka një pilot të plagosur në dorë, ndërsa i shpëtuari ka treguar se në bord ishin edhe dy pjesëtarë tjerë të ekuipazhit, që sipas tij, kanë humbur jetën.

Konfirmohet se ka ndërruar jetë kapiteni Florian Deliaj dhe togeri Donald Hoxha. Ndërsa i plagosur është ushtari profesionist, Gerald Baramucca. Nga burime zyrtare mësohet se helikopteri kishte kryer një fluturim nga Farka, ku ishte nisur në mëngjes, në drejtim të Malësisë së Madhe, saktësisht në Vermosh.

Helikopteri i markës Kugar, kishte kapacitet pesë vendësh, ndërsakthimi i tij ishte në orën 13:45, raporton TCH. Helikopteri ka humbur komunikimin me kullen e Rinasit dhe është zhdukur nga radarët. Këtë lajm e konfirmojnë drejtuesit e policisë së Malësisë së Madhe të Mbishkodres.

Por ndërkohë burime aeroportuale ushtarake konfirmojnë se në bord kanë qenë vetëm dy pilotë të ushtrisë, dhe shtohen pikëpyetjet për identitetin e personit të tretë si edhe misionin e fluturimit. Bëhet e ditur se helikopteri kishte armatim.