Lajme
Shqipe Sylejmani boton romanin e saj të dytë gjermanisht
Romani me titullin "Würde und Vergebung" (dinjitet dhe falje) merret me arbëreshët dhe kolonitë tjera shqiptare në botë. Ai promovohet më 27 tetor, në Cyrih
Romani i saj i parë, me titulln “Burde & Segen” (Barrë dhe bekim), i ka sjellë autores shqiptare nga Zvicra, Shqipe Sylejmani njohje të konsiderueshme në mesin e lexuesve në Zvicër. Romanit, përkatësisht autores, i është bërë jehonë e madhe në mediat zvicerane në gjuhën gjermane, shkruan albinfo.ch.
Ndërkaq, tani, Shqipja po boton romanin e saj të dytë, me titullin “Würde und Vergebung” (dinjitet dhe falje).
Shota, protagonistja e romanit, e cila në vëllimin e parë ndiqte gjurmët e të parëve në atdheun e vjetër, pra, në Kosovë, Shqipëri dhe Maqedoni, tani del në botë duke shtruar pyetjet: si ia dolën arbëreshët në Itali? Sa nga kultura shqiptare mund të gjendet ende në Turqi? Dhe si e përjetuan njerëzit vendqëndrimin e tyre të ri në Londër, Nju Jork apo Boston në krahasim me Zvicrën?
Më 27 tetor 2022, e enjte, në @labor5zuerich në Cyrih, do të shkojmë në një udhëtim me autoren nëpër rrëfimet e romanit të ri “Dinjitet dhe falje”.
Mbrëmja do të shoqërohet muzikalisht nga @arjetazuta dhe @leutrimaliji.
Shqipe Sylejmani është e lindur në Prishtinë, Kosovë. Në Zvicër ajo ka ardhur si 4 vjeçare, pasi që ndaj babait të saj, bashkëpunëtor i të përditshmes “Rilindja” kishin filluar përndjekjet. Në këtë gazetë Shqipja kishte filluar leximet e para. Gjatë studimeve për Gazetari dhe Komunikim në Cyrih, ajo ka punuar për disa revista të njohura në Zvicër dhe Nju Jork.
„Kultura dhe historia shqiptare është tepër e bukur për të mos u treguar“ kishte thënë Shqipja për albinfo.ch, me rastin e botimit të romanit të saj të parë.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani