Shpëtohen 1 300 pasagjerë, të bllokuar në detin e Norvegjisë

1300 pasagjerë të bllokuar në një anije udhëtimi jashtë bregut perëndimor të Norvegjisë u shpëtuan nga ekipet e shpëtimit pas një pune intensive gjatë gjithë natës së të shtunës, thanë autoritetet.

Policia në qarkun e More og Romsdal tha se anija pësoi defekt në motor dhe të gjithë personat që ishin në bord u evakuuan në breg.

Agjencia e Shpëtimit të Detit në Norvegji tha se anija “Viking Ship”, e cila zotërohet nga “Viking Ocean Crusies”, dërgoi një sinjal alarmi mes dallgëve të larta dhe erërave të forta.

Pesë helikopterë dhe disa anije shpëtimi u thirrën për shpëtim, shkruan AlsatM, përcjell albinfo.ch.

Një nga anijet e shpëtimit, një transportues me emrin Hagland Captain,  gjithashtu e humbi fuqinë e motorit dhe dy helikopterë u devijuan për të shpëtuar ekuipazhin e saj.

Deri të dielën në mëngjes, anija kishte arritur të vinte në punë tre nga katër motorët e saj dhe po përpiqej të ankorohej pranë portit më të afërt.

“Ishim duke ngrënë drekë kur anija filloi të dridhej”, tha John Curry, i cili u evakuua me helikopter.

“Dritaret u thyen dhe uji hyri brenda. Ishte thjesht kaos. Udhëtimi në helikopter, më mirë do ta harroj. Nuk ishte kënaqësi”, tha ai.

Janet Jakobi, i cili u shpëtua gjithashtu, tha për mediat vendase se nuk kishte parë kurrë ndonjë gjë aq të frikshme, shkruan AlsatM, përcjell albinfo.ch.

“Unë fillova të lutem, u luta për sigurinë e të gjithëve në bord”, tha ajo. “Udhëtimi me helikopter ishte i tmerrshëm”.