Shpërthim në dy ndërtesa në Suedi, të lënduar 25 persona

Ilustrim

Në një shpërthim, i cili ka ndodhur në dy ndërtesa fqinje në jug të Suedisë, janë lënduar 25 njerëz.

Zyrtarët kanë kumtuar se shkaku i shpërthimit për momentin nuk është i njohur dhe se policia nuk ka shenja se bëhet fjalë për sulm terrorist.

Nga shpërthimi i fuqishëm dhjetëra dritare kanë dalë nga vendi dhe janë shkatërruar ballkonet në ndërtesa në Linkoping, vend i cili gjendet rreth 175 kilometra në jugperëndim të Stokholmit. Një ndërtesë i ka pesë kate, ndërsa tjetra katër, shkruan Alsat, përcjell Albinfo.ch.

Policia ka kumtuar se në vendin e incidentit është dërguar një ekip për deminim pas shpërthimit, i cili ka ndodhur rreth orës 9 sot në mëngjes sipas kohës lokale. Policia e ka izoluar atë lagje.

“Për momentin nuk kemi asnjë informatë për të besuar se kjo është e lidhur me terrorizëm”, ka thënë zëdhënësi i policisë për AP.