Shoqëria civile kundër iniciativës për rrëzim të Speciales

Organizata e shoqërisë civile në Kosovë janë shprehur kundër iniciativës për ndryshim të Ligjit për Gjykatën Speciale.

FOL, KDI, ÇOHU, INDEP, D+, D4D kanë nënshkruar një letër  në të cilën kanë thënë se e konsiderojnë si të rrezikshme, eksperiment të dëmshëm dhe të paprecedent për shtetndërtimin, pasi një pjesë e deputetëve të Kosovës kërkoi që të mbahej mbledhje e jashtëzakonshme për të rrëzuar Gjykatën Speciale, shkruan Albinfo.ch.

“Deputetet e Kuvendit të Kosovës do te duhej të prezantojnë përgjegjesi shtetërore kur gjenden përballë këtyre iniciativave, e te cilat minojnë skajshmërisht kredibilitetin e shtetit dhe humbin besimin e partnereve tanë. Kerkojmë nga Kuvendi i Kosovës, nga deputetët individualisht dhe nga Qeveria e Kosovës qe te jetë e ndërgjegjshme për rreziqet qe kjo iniciativë ka dhe për pasojat e pariparueshme në funksionalitetin e shtetit dhe humbjen e përkrahjes nga shtetet aleate”, thuhet në letrën e tyre.