“Shok” rrëmben zemrat e publikut, a do ta rrëmbejë dhe “Oscar”-in!

Nominimi i filmit kosovar “Shok” për çmimin Oscar de gjasat shmë të mëdha që jepe se ky çmim për film të shkurtë do të vijë në Kosovë, ka shkaktuar një entuziazëm të ligjshëm te shqiptarët kudo që janë. Atmosfera ekzaltuese në prag të shpërblimit të pritshëm më së miri pasyrohet në rrjetet sociale, gjegjësisht në postimet e panumërta që po bëhen këto ditët e fundit në facebook.

Ato janë aq të shumta dhe ngjallin aq shumë aprovime (like) sa që së paku për një ditë kanë arritur të eklipsojnë edhe reagimet lidhur me zgjedhjen tri ditë më parë të presidentit të Kosovës.

Pikën kulmore të kësaj atmosfere e ka arritur parakalimi në tepihun e kuq i dy aktorëve të vegjël, protagoistë kryesorë të filmit “Shok” dhe transmetimi edhe në televizionet tona i intervistave që ata i dhanë gjatë këtij parakalimi, në anglisht dhe shqip.

Të gjithë shqiptarët duan të jenë pjesë e suksesit të ekipit të këtij filmi dhe të gjithë e shprehin këtë ndjenje identifikimi, siç shihet edhe nga pëlqimet e bëra në fb.

Sigurisht, çmimi Oscar për filmin “Shok” do të jetë kulmi i përjetimit pasi që do të shënojë një prerje epokale në historinë (jo vetëm) të filmit të Kosovës dhe të shqiptarëve në përgjithësi.